من زغري

موضوع: من زغري 4/23/2012, 12:12

منقول لشاب عراقي

من زغري

من زغري عليه مرادف النكبات
وطكًات الزمان يضيع بيها العــَــدْ
متعود عليهن والتفوت اتهون
لان ادري الوراهه اتصير منها أزيــَـدْ
فصٌلت الحزن ثوب ولبسته اسنين
لا يقبل اذبه ولا قـبل يركَــــَـدْ
وحملني الزمان اجروح فوكً جروح
وجروح الزمان اشلون تتضـــمٌـدْ
واضحك والسوالف موش جنها اوياي
مابـّين خلل للناس متعـــــــمد
او من ادري برفيجي يريد بيه يعيل
بعتابه الخجل ياخذ ني واتردد
ولافطره وسذاجه وموش تايه راي
لجن طبعي التسامح وي كل أحــٌــد
ولاعمري بنيته ابدغش وي الناس
ومن ابني العلاقه ابنيها حل وشــــد
ولاعمري جفيت ابعشرة الطيبين
ولا عمري بديت ابكًـطع حبل الــــود
انسف بالربع واوزنهم بميزان
وموكل الضحك وياي بيه أضمـــَـدْ
اسايرهم حياء وادري ما يوفون
لمس بيدي لمست ومنهه متأكـــــدْ
جثيرات السوالف والمجال يضيج
وموضوع الافتحه ادريبه ما ينســـَد
اكره كل منافق يحجي بالوجهين
يضحك للجبيل وهو قلبــه اســـود
واحبن هالوطن وترابه والطيبين
ودعليه بصلاتي من اركع واسجـــِد

موضوع: رد: من زغري 4/23/2012, 12:21

كلمات جميلة جدا شكرا استاذ كندي لنقلك لنا هذه المقطوعة الجميلة

موضوع: رد: من زغري 4/23/2012, 16:55

كلمات جميلة جدا ً ومقطوعة عزفت بألقت

موضوع: رد: من زغري 4/23/2012, 20:07

احبتي ...

مساؤكم عطر البنفسج ...

هذه الصورة الموسيقية تفصح عن مكامن الانسان العراقي الحقيقية ... و ان كان هناك ثمة تساؤلات حول معاني المفردات الموجودة فيها , فأنا مستعد لإيضاحها لكم مع ودي و شوقي لكم ...

تحياتي ...