قصيدة مجهول الهوية

موضوع: قصيدة مجهول الهوية 5/2/2012, 09:27

سبحان منهو زاد خلقه عجايب

وما بين حلم وبين فكرٍ وتخيير
بيَّن دروبه بين خاطي وصايب
زان البرايا بين حسنٍ وتصوير
ياجود ربي صان كل الركايب
أجرى سحابٍ مجريات كما الطير
فوق البوادي جاد مزن السحايب
وأجلى صباح ٍ بالاماني على الخير
عقب الليالي اللي تواري النوايب
واعطى العوالم من فيوضه بتقدير
واخضوضرت افياء كانت خرايب
واحنا بني الاسلام نبقى على الغير
ما يوم نرضخ لو تزيد المصايب

واللي دروبه بين عذر ٍ وتبرير

يلقى زمانه في شرور الغياهب

الجاهل اللي صار يطلبك تفسير
عن سبَّت اللي ترجع الشاب شايب

عن أمة ٍ تنسى عهود ٍ وتحذير
وتجري ورى اللي دوم واهي وعايب

وشلون تجمع طيب مسكٍ مع الكير
حتى الضمير اليوم تايه وغايب

والناصح اللي صاغ نصحه بتنفير
ما يستمع نصحه عديم الطلايب

الدين رحمه ماهو قول ٍ وتكفير
وش عاد باقي من زمان العجايب

ان جاك موفد جاك يكتب بتقرير
تقرير وافي ما تشوبه الشوايب

واهل المعالي بين ترفٍ وتبذير
والشعب يشكي من كشوف الضرايب

فوق الكراسي ما تفكر بتحرير
أحرار عشنا وارتضينا الغلايب

وش عاد باكتب وش علينا من الضير
دام الضراير ما تصيب الحبايب

ودام العروبه بين طرد ٍ وتزفير
يالله تسامح كل من جاك تايب .

موضوع: رد: قصيدة مجهول الهوية 5/2/2012, 17:55

إنتقاء مميز وراقي

» قصيدة مجهول
» بين هو وهي ضاعت الهوية
» محمود درويش : الهوية وسؤال الضحية بقلم: إلياس خوري
» حلم مجهول
» قصيدة حب