أمثال شعبية سورية قديمة
* كول زيت وانطح الحيط
* الحكاية مش حكاية رمانة هاي قلوب مليانه
* التوم قتال السموم
* الخبزة المبلولة دوا المعلولة
* ان أوجعك راسك أكرمه وان أوجعك بطنك احرمه
* نظف بيتك ما بتعرف مين بيدوسه وغسل وشك مابتعرف مين يبوسه
* كول مع الكافر ولا تاكل مع طويل الأظافر
* صار للدباني دكاني وصارت تسكر بعد الظهر
* تاجرنا بالأكفان بطلت الناس تموت
* عند المصايب بتبان الحبايب
* حط العاقل عالمجنون وشوف مين أبنه عليه بيهون
* كوم فيران ولا هالجيران
* عاشر السبع ولو أكلك ولا تعاشر الندل ولو حملك
* دارت الدورة عليكي يا عورة
* الحجر اللي ما بيعجبك بيفجك
* إن كرهت جارك غير باب دارك
أمتال حموية شاميه
-قالوا للديك صيح . قال لهم كل شيء بوقته منيح
-قالوا للحماية ما كنتي كنة , قالت لهم , كنت ونسيت
-دان من طين , ودان من عجين
-قالوا لها أومي اطبخي ,قالت مريضة ,قالوا لها قومي كلي ,قالت وين معلقتي العريضة
-داب التلج ,وبان المرج
-صار ينط ما يحط
-قلبي على ولدي , وقلب ولدي عالحجر
-قالوا للبغل مين أبوك , قال لهم خالي الحصان
-ما قدر على حماته , عض مرته
-الدم ما بيصير مي
-متل حية التبن , بتقرص وبتتخبى
-متل حمام مقطوعة ميتها
-صاحب صنعة , أحسن من صاحب قلعة
-مرت الأب ما بتنحب
-صفي النيه ونام بالبرية
-الديك الفصيح من البيضة بيصيح
-مكرسح قال لمكرسح , مشي لنتفسح
-المي والنار, ولا حماتي بالدار
-من برا هالله هالله , ومن جوا يعلم الله
-صام صام وأفطر على بصلة
-الولد اللي ما بيبكي , ما بترضعه أمه
منقووول
الرئيسية
البوابة
التسجيل
دخول
