رحلة مع الامثال المغربية الشعبية

المشرفون تاريخ التسجيل : 09/04/2010


	ـ وَقًّرِْ الكْلْبْ على وْجَهْ مُولاَهْ. ـ وَرثَة أو حَرْثًة ولا سير حتى. ـ وَقْتْ احْتَاجيتْكْ يا وجْهْي خْرْبْشْوكْ لقْطُوطْ. ـ هْمُومْك أعْملْها في شبْكةْ شِي يْطِيحْ شِي يبقى. ـ واحد يَاكُلْ الفُولِْ والاخَرْ يْتْنَفَّخْ فيه. ـ موت الاحْبَابْ تَتْعَوًّجْ الايَّامْ. ـ مَا يْقُولْ الحَقْ غير الصغير أو الاحمق. ـ مَا يْنْسَاوْ لْحْسَايْف غير أولاد التَّلايفْ. ـ ما غْسْلْ حْصَايْرو يَغْسَلْ ذْ الجَّامَعْ. ـ مَا هُوَ العِيبْ على من حرث في السطح، العيب على من خَمَّسْ عليه. ـ ما صَابْتْ المَغْبُونَةْ بَاشْ تْذَكَّرْ مْشَتْ للجامع تْوَذَّنْ. ـ مْنْ لاَ عْشَا في كَمُّه يْحْرَقْ أبُوهْ و أمه. ـ لِّيْ مَا عَنْدُو فُلُوسْ كْلاَمُوا مَسُّوسْ. ـ لي مَا وَاتَاهْ الأخضر مَا يْلْبَسْ مَا يَحْضَرْ. ـ لي ما وتاه العَكْري يمد رُوحُه بَكْرِي. ـ من فوق الجذام ما بْقَتْ حتى عْلَّةْ. ـ لي كَيْغَنِّي هْمُّه كَيْسَلِّي. يتبع .... ... .. .

المشرفون تاريخ التسجيل : 09/04/2010


	مْنِينْ دَاكْ العْرِيَّشْ قال لُه مْنْ دِيكْ الشّْجِيرَةْ. ـ مَنْ دَرْجْ لْدَرْجْ حتّى يْجِيبْ الله الفَرْجْ. ـ لِّي رْبَّا الغُرَابْ يُنْقَبْ لُو عِينُو. ـ المَكْنَاسِي جْوَابُو في فَمُّو والتِّطْوانِي حْتّى يشاور أمه. ـ لو كان ما رَفْدٌونِي مْنْ تَحْتُو كُونْ قْتَلْتُه. ـ الِّيْ وْفَى أَجْلُه يْمَدْ رَجْلُه. ـ الِّيْ يْعْمَلْ رَاسُه في المَزْبَلَةْ كَيْخَرْبْشُوهْ الدّْجَاجْ. ـ اللّْسَانْ يْسَبَّحْ والقَلْبْ يْذَبَّحْ. ـ الِّيْ مَاتْ لُو غْزَالُه أَشْ مْنْ حْبِيبْ يْبْقَى لُه. ـ الِّيْ ما يكون عَنْدُو العسل في دَارُه يكون عَنْدٌو على طرف لْسَانُو. ـ الِّيْ ما عَنْدُو مَا يَشَدّْ إِشَدْ فَمُّو. ـ الِّيْ تْهَرَّسْ لو مْنْجْلُو يَعْمَلْ مَنُّو مْحَشَّةْ. ـ الِّيْ شَفْتو رَاكْبْ عْلَى قَصْبَة قُولْ لُو مبروك العُودْ. ـ الِّيْ تْرَهْنُو بِيعُو، والِّيْ تَخْدْمُه طِيعُو. يتبع

مديرة منتدى تاريخ التسجيل : 04/04/2010

جدا رائعة شكرا لك لما تقدمه هنا بارك الله فيك

المشرفون تاريخ التسجيل : 09/04/2010