ناسيك؟

موضوع: ناسيك؟ 9/8/2013, 22:34

.

ناسيك؟..لا والله ماني بناسيك.......
..........وش حالتي عقبك؟..مثل حالتي دوم

ارقب غروب الشمس خلف الشبابيك......
........من عقب رحلة يوم واْسرار وهموم

واشوفها تقرب وتبغي تناجيك..........
.........وتناظرك..لكن/غلب عينها النوم

شف كيف!!حتى اْلشمس تعشق اراضيك.......
.........كنها غفت عندك عقب رحلة اليوم!!

ذي حالتي عقبك عسى الله يجازيك.......
..........عني بكل الخير يا غالي السوم

خليتني للضيق وآنا بخليك.........
..........تبقى بقلبي مثل ما كنت مرسوم

يبست غصون السعْد من عقب ساقيك........
.........وطير الفرح ما عاد يقوى على الحوم

ظميان وركابي حظوظٍ مهاليك..........
........والحلْم عدٍّ حوله اشجار وغيوم

وابطت ركابي دون عدّي مباريك.......
.........العد يدعيها وهي عيّت تقوم!!

لا تعتذر يوم ابعدت بك خطاويك.........
..........ادري جبرك الوقت عن دربي تشوم

روح وعسى ربي يسمّح مساعيك..........
.............لاْنها كذا الدنيا مقدّر ومقسوم

ألومك ليا غبت واْشره واحاتيك........
..........يومك خويّي فالامل..لكن اليوم!!

خويّك الرحمن ماني مخاويك........
......ولا عاد به شرهه ولا عاد به لوم!

سعيد الاحبابي
17/7/2008

__________________

موضوع: رد: ناسيك؟ 2/17/2015, 19:03

ابيات جميلة شكرا ً لك ِ دكتورة أنوار ..