كان لقاء المحبوبة عن طريق بحيرة Bodensee التي كانت تقع على الحدود بين المانيا وسويسرا ..
وهذه البحيره وماحولها من القرى تستحق الزيارة ولكن لتاخر الوقت .. آثرنا المضي قدما حتى نصل الى زيورخ ..
وهذه افضل اسعار للبنزين وجدناها على الطريق ..
وكان قد سبق لنا الحجز في فندق Hotel Krone Unterstrass في وسط زيورخ .. بسعر 750 ريال وكان السكن عباره عن استوديو رائع جدا ..
واطلبوا السكن في العماره الجديده اللي هذي هي :
والسعر شامل الانترنت والمواقف وبدون فطور .. وذلك لاني اردت الاستيقاظ باكرا في اليوم التالي لانه خلفنا مشوار طويل جدا .. ستعلمون تفاصيله في الحلقه القادمه ..
يحتوي الاستديو على غرفه وشبه مطبخ ودوره مياه اجلكم الله ..
وبصراحه كانت من اجمل الغرف التي سكناها .. رقم 16 في البال ..
وطبعاً هدية عباره عن سلة فواكه ..
ماكرو للجميلة ..
والذي خلف الدولاب عباره عن ..
دورة المياة اجلكم الله ..
قبل النوم كان لنا جوله حول المكان ..
ووصلنا الى النهر الرئيسي للقريه ..
وكانت الجوله السريعه هي بقصد كشف المكان لا اكثر ..
انتبهو من ساهر ..
والله ياهو ملغم تلغيم في زيورخ .. هي اكثر مدينه شفناها مليانه بشكل ..
تخيليوا بكل لفه تلقى واحد ..
شوفوا اثنين جنب بعض ..
بحل والله يالمقبل انت وربعك
وقبل العوده التقطنا هذين الصورتين لتكون اخر صور لنا حول الفندق ..
ثم عدنا الى الفندق ..
المدينه بشكل عام جميله لمحبي المدن التقليديه والتاريخيه ..
وانا هواي الطبيعه ومشاهد المروج والجبال ولذلك لم تقر عيني حتى هربنا في الصباح الباكر ..
فاصبح اليوم الذي مكثنا فيه هو للراحه فقط ثم الاقلاع الى مابعد زيورخ ..
بعد ان عدنا الى الفندق كنت قد حضرت مفاجاه لرفيق عمري ..
وهو عباره عن مقطع من هذا المسلسل ..
وكان هذا عباره عن استدرار المشاعر لرؤيه الحماس من عدمه ..
فقلت لها : شرايك نروح ندور المارج بيتر .. ننصحه يومه مغير يمذرح مع هايدي ورى الجبال .. ولا حتى شفناه لو يوم يروكع هو اياه اللي مايستحون ..
قالت : والله فكره بس ياليت تحط ختم الهيئه على باب السياره .. يعني على شان يدرون انك رسمي ..
قلت : قلت مايبيلها لزق شفت الجاكيت اللي لبسته امس .. البسه واخليه يتسحب وهذا شكل مطاوعتهم .. وانا اذا شفته .. باغته بالاسئله ولا يمديه يسالني وش دراك بالمذرحه السابق ذكرها ..
قالت : والله فكره ..
عاد ان قلتلها شرايك نروح نشوف بيتهم .. هي ماصدقت قالت معقوله لهم بيت يزورونه الناس .. قلت ايه موجود .. بغت تجيها السكته .. عاد انا مادري وش يحبب البنات لها المسلسل لها الدرجه ..
اذكر يوم مشت كلير .. اختي دموعها اربع اربع .. ماسكتت الا بعد خمخمه اليمه من الوالده .. وكم صاروخ هواشي من الوالد ..
يعني صحيح انه مسلسل رهيب جدا .. ومافي مثله .. واحلى قصه كرتون .. بس عاد مو لهالدرجه الولع .. مااقول الا الله يرحم ايام قرانديزر ..
انتهى المسلسل بالنيه باذن الله في الصباح للانطلاق الى : Maienfeld ( قريه هايدي ) .. مرورا بقريه جميله سبق ان وضعتها بالجدول .. واسمها (Walenstadt )
ولسان حالنا يقول بلا زيورخ بلا ساهر ..
وفي صباح اليوم التالي .. حزمنا امتعنا بدري وخلصنا اجراءات الفندق بدري .. واتكلنا على الله ..
والخروج من زيورخ عسر قليلا .. تحتاج لبعض الدقه في تحرى المخارج ..
ولو معك برامج ملاحه يبيلك تركز شوي معاه ..
لانه بيني وبينكم لحسه مخ .. مدري لحسه ايس كريم ..
بعد ان خرجنا وقفنا في احد المحطات التي على الطريق وافطرنا ذاك الفطور اللي عقبه عجزنا نتنفس .. تقل داقه معصوب ..
وهذي بعض الصور من الطريق ...
وسبحان معطي هذه الاراضي هذا الجمال ..
انظر وتفكر ..
شوفوا موقع المستشفى بس ..
ياشيخ من بيجيك على هالطبيعه .. صدقني عياده الصدريه مقفله من قرن ..
لبيك ان العيش عيش الاخره ..
والشباب فالينها خيول وعلوم سنعه ..
بس غريبه ماشفنا بعارين ..
سبحان الله ..
بالله ماودك بخيمه البيرق تطقه تحت ذيك الاثله ( وجه فقر اقصى علمه في الشجر هي الاثله ) ..
شوفوا بعد بعض شوارعهم الداخليه ..
اللي مايعرف يسوق يبي يطلع باخشب .. قصدي باكوخ
حتى وصلنا الى بحيره Walensee وقريه Walenstadt ..
بصراحه اعجبتنا هذه القريه .. وكان بها بعض الانشطة الرائعة ..
وتستحق ايضا يوم كامل ولكن هايدي وبيتر لحالهم خلف الجبل واحتمال معاهم الشيطان ..
فالمهمه تستدعي الاستنفار .. و لكن لامانع من بعض الفرفره البسيطة بالقريه ..
وخرجنا بهذه الصور الفاتنه ..
البحيره تلوح من بعيد ..
ودخلنا القريه على استحياء .. واستقبلنا هذا الشلال ...
ثم ..
ثم جوله بسيطه قبيل الخروج ..
مع بعض البيوت الجميله ..
من يشتري ..
ولما اقتربنا من قريه Maienfeld .. دخلنا قريه Bad Ragaz
وذلك لرؤيه هذه التحفه الجميله .. ولايمكن لمن مر بجانبها ان لايمتع نظره برويتها ..
النوافير الارضيه والساعه من الورود ..
صراحة اعجبني شغلهم بالساعه ..
ناس تشتغل بضمير ..
بعدها توجهنا الى قريه Maienfeld .. وهي قريبه جدا من هذا المكان ..
وكانت الوجه الى بيت هايدي .. لرؤيه الجميلين ..
فؤاد حسني الزعبي المراقب العام المميز
تاريخ التسجيل : 22/10/2011 العمر : 81 البلد /المدينة : فيينا - النمسا
موضوع: رد: قرية ع الحدود السويسرية النمساوية 10/26/2014, 12:54
شكرا لك كانت رحلة جميلة لتلك المنطقة الحدودية السويسرية النمساوية ذات المناظر الطبيعية وكذلك لعفوية سكانها وللأسف لم نكن في تلك المنطقة
ابتسام موسى المجالي مشرف
تاريخ التسجيل : 20/04/2010
موضوع: رد: قرية ع الحدود السويسرية النمساوية 10/26/2014, 13:26
رحله رائعه وجميله جدا في هذه المناطق الخلابه بجمالها وجمال سكانها شكرا لك
الرئيسية
البوابة
التسجيل
دخول
