فيروس هجرك عطل القلب تعطيـل ...... ودمر ملفات الفـرح فـي حياتـي
ياللي سكنت القلب من دون تحميـل ...... متـى لموقعنـا تشـرف وتـأتـي
عنوانكم ماهـوب ياهـو وهوتميـل ...... عنوانكـم روحـي و قلبـي و ذاتـي
كم مرةٍ أرسلـت لـك عبر الإيميـل ...... وأدورك فـي منتـداي و شـاتـي
وأرسلت لك يازين فايـلٍ ورى فايـل ...... فيها الغلا والحـب يا أغـلى أمنياتـي
وأرسلت لك قصة عذابي مع الريـل ..... ياللي غيابك هـو سبايـب شقاتـي
دايم عليك أبحـث بياهـو و جوجيـل ...... وأنـت ولا تسـأل علينـا بتـاتـي
..خابرك بانتيوم فـور أصلـي و إنتيـل ...... لكن خسـارة غيـروك الوشاتـي
وكان الهكر غروك بالقـال والقيـل ...... بأدعي عليهم في سجودي وصلاتي
وياشين حالي لا قريـت المراسيـل ...... في الأوتلوك أذكر قصص ماضياتي
منك حزين الحرف شـاف البهاذيـل ...... وقلبك مثل قرصٍ صلب في القساتي
موقعك في وجهـي مقفـل بتقفيـل ...... حتى البروكسي مانفـع وش سواتـي
بمفضلـة قلبـي عطينـاك تفضيـل ...... أنـت المفضـل عندنـا يا غنـاتـي
ويا زين هجرك عطل القلب تعطيـل ...... ومن غير شوفك وش تساوي حياتي
كني بدونك قرص فـارغ ولا فايـل ...... فاسـد ومرمـي بسلـة المهملاتـي
ماعدت أفرق بين اكسس و أكسيـل ...... وماعدت أفرق بيـن بالتـوك وشاتـي
وبأشكي على الكيبورد كثر الغرابيل ...... وأكتب على الوورد المطور وصاتي
وهذي النهاية حطها وسـط تظليـل ...... لا مـت فغيابـك هو سبايـب مماتـي