نصائح لست البيت

موضوع: نصائح لست البيت 1/5/2015, 13:01

نصائح لست البيت
==========
لو بتحبي تطحني بنفسك بعض البهارات في البيت زي الكمون و الكسبرة الناشفة وغيره .. قبل الطحن ... حمصيهم على خفيف على النار في طاسة . من غير زيت ولا اي حاجة طبعا .. هيفرقوا كتير اوي في النكهة و الريحة بعد ما تطحنيهم .
2 . لو مستعجلة على تتبيلة لحمة او فراخ او بفتيك .. ومش هتقدري تستني 5 ولا 6 ساعات .. تبليهم و حطيهم في كيس بلاستيك واقفلى عليها .. كده مفعول التتبيله هيبقي اسرع و هتشرب نكهة التتبيلة بسهوله .. وساعة ولا حاجة و ممكن تبدئي التحمير او الشوي
3 . لو بتغسلى الفراخ بالطريقة المعتادة الي هي تدعكيها بدقيق و خل و ملح و تشطفى ولقيتي لسه فية ريحة زفارة .. هاتي طمطماية طرية كده وادعكي بيها الفرخة كويس اوي و سيبيها عشر دقايق و الطماطم المهروسة عليها . و بعدين اشطفيها كويس هتلاقي مفيش اي اثر لريحة الزفارة
4 . من اسرار نجاح الرز ( للمبتدئات في موضوع الطبيخ ) انك تستني الاول على الماية الي هتحطي فيها الرز لحـــد ما تغلى .. و تكوني حاطة فيها مكعب ماجي و ملح وفلفل على خفيف و 4 فصوص حبهان .. غليت المايه خلاص .. حطي بقي الرز المغسول .. و هاتى الشياطة .. ووطي النار على الاخر .. وسيبي الرز يعيش اللحظة على نار هادية .. متسيبيهوش يغلى غلوتين و بعدين توطي .. اول ما تحطيه في الماية .. وطي على طول .. هتفرق كتير في طعمه لما بيتعمل على نار هادية.
5 . لو عاوزة مكعبات تلج نقيه .. شفافة .. شكلها فعلا جميل .. قبل ما تحطي الماية في القوالب المخصصة ليها .. ادي الماية غلوة عالسريع وبعدين صبيها و حطيها في الفريزر و هتشوفى الفرق
6 . لو عندك مشروم في التلاجة وشاكة في صلاحيته للاستخدام .. هتجيبي قطعة منه و ترشي عليها شوية ملح .. لو القطعة دي اسودت . سليم وزي الفل .. اتحولت للون الاصفر . باظ و متستخدميهوش ..
7 . لو عندك ابواب او دورف بتزيأأأ .. ادهني المفصلات بتاعتها بفازلين .. الصوت هيختفى تماما
8 . لو عندك سجادة او موكيت اتدلق عليهم حبر .. هتروحي تجيبي ملح و تغطي بيه مكان البقعة و تستني دقايق و بعدين بمعلقة صغيره هتلمي الملح الي هتلاقيه شرب شوية من الحبر . كرري الحكاية دي كام مرة لحد لما تبقي البقعة خفيفة .. وبعدين هاتي
فوطة طرفها مبلول بعصير ليمون .. وادعكي بالراحة المكان الي فيه البقعة هتلاقيها نضفت خالص ان شاء الله

مشرف تاريخ التسجيل : 20/04/2010

نصائح روعه
بارك الله فيك

» أفكار لست البيت
» مفردات البيت الدمشقي و مقارنته مع البيت الأوربي.
» شغل البيت,مفيدللصحة (حولي شغل البيت لرياضة)
» بيع البيت
» البيت المغربي