دكتورة.م انوار صفار
Admin
تاريخ التسجيل : 04/04/2010
البلد /المدينة : bahrain
بطاقة الشخصية
المجلة:
 | | موضوع: الفرق بين السعال الجف والرطب 5/19/2015, 20:42 | |
| --- الفرق بين السعال الجف والرطب  كل ما يمكن ان تعرفه عن الكحه والسعال؟
عارفين ان في حاجة في الصيدلية اسمها مضاد للسعال اوantitussive وحاجه اسمها طارد للبلغمexpectorant وحاجه اسمها مذيب للبلغم mucolytic
هنتعرف علي كل واحد علي حدة ...بس الاول لازم نعرف ان الكحه نوعين : -
النوع الاول
وهو الكحه الجافه غير المصحوبه ببلغم وده علاجه الوحيده هو مضادات السعال واللي بيغلط فيه معظم اللي شغالين في الصيدليات(من غير الصيادله عشان متزعلوش)...بيطلعوا اي دوا وخلاص ويفضل المريض يكح والدوا مبيجبش نتيجه لحد ما يفقد الثقه في العلاج وفي الصيدليه .وناس كتير شفتها فعلا فقدت الامل في الدوا بسبب خطا المعطي..وساعات المريض جي عايز العلبه اللي عليها المعلقه وبس..
طيب مضادات السعال دي بتشتغل ازاي: بتعمل علي تثبيط مركز الكحه اللي موجود في المخ .
الادوية المضاده للسعال:
dextromethorphan , noscapine , oxeladine ,pholcodeine ,dihydrocodeine,pipazethate ,butamirate
ودي موجوده في السوق باسماء زي سيليجون – كف كت – توسيلار
يبقي كحه جافه يعني العلاج مضاد للسعال وليس طارد للبلغم ولا مذيب للبلغم ماهومفيش بلغم اصلا... اصل في في الصيدليه ادويه مكتوب عليها مضاد للسعال وطارد للبلغم طب تيجي ازاي ...بالعقل لوفي بلغم هبقي محتاج سعال يطلعه مش احط مضاد سعال هو كده كده لما البلغم يخرج السعال هيقف ..ولو مفيش بلغم يبقي لزمته ايه طارد البلغم ...
النوع التاني
وهو الكحه المصحوبة ببلغم البلغم ده يا اخواني بيتكون عشان يحمي الرئتين من اي irritant يعني حاجه تهيج الرئتين
بس لما بيزيد بيضيق الشعب الهوائيه ويخلي المريض صدره (يزيق) ونفسه يبقي قصير العلاج بيبقي طاردات ومذيبات البلغم وليس مضادات السعال
طاردات البلغم بتزود الكحه وبتزود افرازات الرئتين ... هتقولي يعني الكحه تزيد هاقولك اصلا الكحه في الحاله دي سببها وجود البلغم يعني الكحه جت عشان تطرد البلغم فبالتالي الكحه دي لما تزيد يزيد خروج البلغم ..طيب وزيادة الافرازات ..هاقولك ان الادوية دي بتزود افرازات الغدد اللي موجوده في الرئتين من الماء فتقلل كثافة البلغم وتخلية اقل التصاقا وبالتالي يخرج مع الكحه ...
الكحه في الحاله دي حاجه مفيده لانها بتطردلي البلغم الموجود علي عكس الكحه الجافه ملهاش فايده ..يعني اللي هيدي مضاد للكحه في حاله بلغم هيتعب المريض اكتر لان البلغم هيتراكم ويقفل صدرة ...
واحد هيسال طب ومذيبات البلغم بتعمل ايه هاقولة ...ان البلغم ده عبارة عن سكر
mucopolysaccharide
والسكر ده ماسك في بعضه عن طريق روابط ... مذيبات البلغم بتكسر الروابط دي ..وبالتالي يبقي سهل خروج البلغم .. بس مذيبات البلغم مبتزودش الكحه زي طاردات البلغم .
طاردات ومذيبات البلغم مثل :
ambroxol(mucopect) , acetyl cysteine(mucosolvin) ,bromohexine(bisolvon)..
واحد عنده ازمة ربو :
ده اقل حاجه تهيجله الرئة تجيبله الازمه عشان كده في ادوية طارده للبلغم فيها ايودين i2 مينفعش تديهاله لانها بتطردالبلغم عن طريق تاثيرها المهيج ده
مريض الازمة مبياخدش مضادات سعال..بياخد مذيبات وطاردات البلغم فقط..لان الازمة عبارة عن زياده في
inflamatory mediators
لوثبطت الكحه الافرازات تزيد وتزود المشكلة .
كمان في ست حامل هتجيلك عندها كحه :
في ادوية كحه كتير عباره عن خلاصات اعشاب زي الجوافة وخلاصة البلاب زي ايفيبرونت..
معلومه مهمه :
وطبعا لو طفل صغير اقل من سنتين اوعي تديله حاجه شغاله ع المخ(ديكستروميثورفان –كودايين وكل مضادات السعال) ..اعشاب يبقي كويس قوي زي جوافة نقط وجوفكس وهيربا كف وجواسول
ولو فية بلغم في نقط بيسلفون وامبروكسول
لو مريض سكر بقا يبقي لازم تديلة دوا كحه خالي من السكر زي اولفنت
طيب في حالة ما اذا كان البلغم لونه اصفر او اخضر او كان فيه ارتفاع في درجة الحرارة يجب اضافة مضاد حيوي لان في الحاله دي يبقي فيه عدوي بكتيريه ..مضاد حيوي زي الامبيسيلين اوالاموكسيسلين ..
بعض مذيبات البلغم تستخدم في حالات العقم ..احنا قولنا بتقلل اللزوجه ..بيستخدموها بقا عشان تقلل لزوجة السائل المنوي عشان لولقيتها في روشته واتسالت استخدامها ايه في حالة عدم وجود كحه وبلغم .. | |
|
عمار الزعبي
عضوماسي
تاريخ التسجيل : 11/10/2014
العمر : 54
البلد /المدينة : سوريا الحبيبة
بطاقة الشخصية
المجلة: 0
| | موضوع: رد: الفرق بين السعال الجف والرطب 5/19/2015, 23:23 | |
| | |
|
الرئيسية
البوابة
التسجيل
دخول