انتهينا وانتهى الماينتهي(للشاعر العراقي اسماعيل كاطع )
انتهينه
وانتهى
الما ينتهي وخلَّص حجينه
انتهينه
وبقت
كَطرات الوفه المذبوح تتناثرعلينه
وبقت
للمجفين كوم اسرار عد روحي الامينه
وكون ندري
بالعتاب يفيد بيهم عاتبينه
وكون يسوون
البجي
ناظر بجينه
غافلونا
وباكَو
العشرة غفل من بين ادينه
وباكَو من
ايد العمر سنتين وبوجهم رضينه
تالي نزعوا
شوكَنا من كَلوبهم
وكَالوا
عوض عنكم لكَينه
تالي سدوا
بابهم من شافوا عالباب اجينه
شكَكَوا مكتوبنه
وبلا خجل ذبوه علينه
تندمينه
جينه
بجنازة عشكَنه المات غفله و أيّسينه
وابتعدنا
بعيد لكن طيفهم ظل يعتنينه
ظلت
حجاياتهم عالبال ما جلمه نسينه
ياما لسعتنا الشمس وبفي كَصايبهم غفينه
ياما فيَّضنه الوفه وحطّولنا المهجة سفينه
ياما ذبنه
ا لعطش يمهم وبجدح جفهم روينه
تالي نزعوا
شوكََنا من كَلوبهم
وكَالوا
عوض عنكم لكَينه
الرئيسية
البوابة
التسجيل
دخول
