موضوع قديم .. والمضحك فيه
تلك الردود والتعليقات من القراء المصريين
طبيب مصري يعلن عن إنشاء جمعية
لمنع القبلات بين الأزواج
أعلن الدكتور عادل عاشور
أستاذ طب الأطفال بكلية الطب جامعة القاهرة عن رغبته في إنشاء جمعية لمنع القبلات بين الأصدقاء و زاد على ذلك بإعلان رغبته في منع القبلات بين الأزواج و هو الأمر الذي بدا غريبا وفجر المناقشات داخل المجتمع المصري
وعن السبب الرئيسي في طرحه فكرة إنشاء الجمعية أكد الدكتور عادل أن كافة الأبحاث العلمية التي نشرت في كبرى المجلات الطبية العالمية أجمعت على الأضرار الطبية الخطيرة التي يسببها تبادل القبلات من خلال انتشار العدوى من الأمراض الخطيرة الفيروسية و الميكروبية وأبرزها الأمراض الجلدية ويأتي على رأسها حب الشباب ومن الأمراض الميكروبية:
مجموعة الميكروبات العنقودية و هي ميكروبات موجودة في فم الإنسان بصورة طبيعية , كذلك الحمى الشوكية والأمراض الفيروسية التي تنقلها القبلة أيضا مثل الزكام و الرشح والتي يجب عدم الاستهانة بها حيث قد تصيب الخلايا المبطنة لخلايا المخ و ينتج عنها ارتفاع شديد في درجة الحرارة يصعب السيطرة عليها و قد تؤدى إلى الوفاة في بعض الأحيان , أيضا التهاب الغدة النكفية و كذلك الحصبة الرمادية و الألمانية و الفيروسات الكبدية و أكد أن الجمعية تضم في عضويتها كافة التخصصات الطبية لشرح الآثار السيئة للقبلة
وعن رأى الدين في أهداف هذه الجمعية أكد الدكتور إسماعيل معروف بجامعة الأزهر أن تعاليم الدين الإسلامي تحرم القبلة في غير الإطار الزوجي وقد أكد العلم على وجود إضرار جسيمة لذلك وعن أراء المواطنين حول هذه الجمعية المزمع إنشاءها تنوعت الآراء بين الرفض و القبول
هدى محمد طالبة بكلية الاعلام .. وصفت الإعلان عن الجمعية بأنه كوميدي و لا يهدف سوى إلى لفت النظر إلى القائمين عليها. إذ افتقد الإعلان عن منع القبلات .. الأساليب التي سوف تتبع للتأكد من حدوث هذا المنع
التعليقات :
------------------------------------------------------
هذا كلام فاسد و باطل بدون تردد ، و معارض لصحيح السنة النبوية .. فقد ثبت أن النبي صلى الله عليه و سلم كان يقبل زوجاته ، و كان يقبل السيدة فاطمة و الحسن و الحسين رضي الله عن الجميع .. و أفتى للشيخ بالقبلة في الصيام.
أنصح الدكتور أن يبيع لب و يبطل تخاريف
------------------------------------------------------
وأنا اقول الرئيس البوسني مات ليه؟؟
------------------------------------------------------
واحد يحرم البوسة بين الأزواج ، وواحد يحلل إن الواحدة ترضّع زميلها ، ما ترسونا على بر ( نرضع وما نبوسش ولا نبوس وما نرضعش )
------------------------------------------------------
روح شوف العيش المسرطن ولا الشيبس ولا مياه المجارى ولا الخضروات المسرطنه والهرمونات ولالالالالا وبعدين اتكلم على البوس يا دختور
------------------------------------------------------
ده يستاهل 80 مليون بوسه من 80 مليون بوووؤ عشان تجيله كل الامراض إللي في الدنيا
------------------------------------------------------
نحن جمعية هنبوس هنبوس حتى لو البوس بفلوس
------------------------------------------------------
الحياة من غير بوس زي قلّة من غير ميّة
------------------------------------------------------
مش عارف اقول أيه .. مش كفاية مش لاقين نتجوز كمان اللى مجوزين مش هايبوسوا ؟.. طب ده نسميه أيه ؟؟؟؟؟؟؟؟؟؟؟؟
------------------------------------------------------
اليوم تقليعة البوس ينقل الامراض الجلدية وبكرة لا تلمس جسد زوجتك لمنع انتشار الامراض الجلدية وبعد غدا يستحسن ابادة صنف النساء
انكم تسعون لتحريم الحلال (واضح ان البوس عامل مشكلة للدكتور) اقولك حاجة .. اعمل زي اللمبي بلغ لجنة حروق الإنسان
------------------------------------------------------
طيب ولما رغيف العيش يقع على الارض اجيبه !! .. ابوسه ولا غلط ؟؟
يا حلاوة على العلم واللي بيتعلموه
واحب اقول لسعادة الدكتورة الفاضل .. ادرسلك حاجة تنفعك احسن وسيب الناس تبوس ياعم وبلاش وساوس
------------------------------------------------------
انا عايزه اطمن الدكتور ده واقوله .. انه ولله الحمد معظم الازواج فى مصر مابيبسوش بعض اصلا !! بوس ايه يا عم بلاش قلة ادب
هوه احنا بنتجوز وندفع دم قلبنا ولاد وبنات علشان نبوس !! .. ايه المسخره ديه !!!
------------------------------------------------------
يعنى لو واحدة اسمها بوسي تغيره ويبقى ماتبوسيش ؟؟
بس كدة اتحلت خلاص .......
مع تحيات شركه ماتبوسيش لانسر
يا عم بوس اية اللى عايز تمنعه؟؟
------------------------------------------------------
دة الواحد بيبقى لسة سايب صاحبه من ربع ساعة يشوفه يقوم نازل فيه بوس ( بوس أخوي طبعا)
وكمان عايز تمنعه بين الازواج ...
لا ده كدة الواحد يلحق يتجوز قبل ميبقى قرار ويتناقش فى مجلس الشغب
------------------------------------------------------
يعني بوس الواوا بح ..!!!!؟؟ ؟؟
------------------------------------------------------
على رأي الفنان محمد رضا: مش هنبوس بقى
------------------------------------------------------
ممكن كل واحد قبل ما يبوس البت بتاعته يتمضمض بمحلول ' البيتادين'
ويدهن شفايفه بردو بمحلول ' البيتادين'
وبعد مايخلص البوسه يتف تلات مرات
ويشرب كباية ....
أكيد ' بيتادين'
ربنا يشفيكم يا دكتور
-------------------------------------------------
ربنا يهدك يا دكتور .. ايه الخبر ده ؟...
أنا صحبي بسني كتير وعاوز أنتقم ...
أعمل ايه أبوس مراتو !!!؟
------------------------------------------------------
حلوه يا دكتور عجبنني ..
يعني إللي يحب الست بتعتو مايبوسهاش يروح وبوس الست جرتو
------------------------------------------------------
يعني وحنا منخلف ! .. ما عدنكش واقي للبوس يا دش تور ؟
------------------------------------------------------
أنا عوزه أنتسب لجمعية الدكتور ده ...
ده الكلام هناك كله عن البوس !!
الرئيسية
البوابة
التسجيل
دخول
