[size=18]احبتي مساؤكم محبة ...
انقل لكم / لكن ... القصيدة الاصلية التي وصلت على بريدي منذ عام مضى ... لم يذكر اسم كاتبها / كاتبتها ... ما نشرته كان ردا عليها بنمط المعارضة ... اترك لكم / لكن ترجمتها وفقا لأهواكم و لن اعترض على اي تصور او اعتراض ...
تحياتي ... [/size]
السلام عليكم
مســـاء / صبـــاح الخير
إستشير القلب دامك تشعـر إنـك مستشـار
ولا تظن عيوني أبدا غيـر عينـك تستشيـر
لا تحسـب إنـي أراوغ أو أمانـع أي قـرار
دام حبك بي خيالي خل يصيـر اللـي يصيـر
والقنـاع اللـي لبستـه ما يغيـر هالمسـار
كل واحد في غرامه يمتلـك قلـب وضميـر
جيت لك موت وتحدي .. لو تبي جيت انتحار
المهم إبقى عشانـك دام حبـك بـي خطيـر
كيفها عيونك حبيبـي لـو تناظـر باحتقار
دام أنا بعينك حقيره أعشقك يا أعظـم حقيـر
خلها تطـول المسافـه مـا أمـل الانتظار
دام أشوفك في خيالي عاشـقٍ مالـه نظيـر
و دامها صارت تحدي ما أحب لعـب الصغـار
و أبتدي أقنع عيوني بس تشوفك هـي كبيـر
وأعلن سيوف التحدي وأرفعك فـوق الكبـار
وكل شامخ في طريقك أجبره يبقـى صغيـر
وساحة الشعر بمداها تصبح لعينـك قطـار
كلها تهون لقصيدك بـس تهنـى بالمسيـر
دوم أنا أبقى قويه .. بـس أحـس بانكسار
تدري وش يعني شموخٍ داخله يبقى كسير ؟؟
تدري وش يعني عظيمٍ .. تشعره بالانهيار ؟؟
تدري وش يعني غرامٍ ما به إنسانٍ يغيـر ؟؟
تدري وش يعني حبيبٍ راح عنك و استدار ؟؟
تدري وش يعني بروده يشعلك نار السعير ؟؟
كلها تهون لعيونك وأشعـر إنـي بانتصار
وأمسك النـار بيدينـي ولا أفكـر بالمصيـر
دامك المـوت الحقيقـي يا حـلاة الاحتضار
تزرع الشوك بطريقي أمشي وأتخيـل حريـر
التحدي هو غرامـي ولا أعـرف الانحدار
ولذة السكر هوايه تخجـل الوضـع المريـر
شفتني كيف أنتهي بك شفتني يا أحلى مـرار
لجلـك أجبـر هالمربـع يا عذابـي يستديـر
ولجلك عيـون البرايـا كلهـا منـي تغـار
وكل ما سافر مدينه خافقـي لعينـك سفيـر
تمطر الدنيا غيـومٍ برقهـا يضـوي شـرار
والصحاري كلها لـك وردةٍ وسـط الغديـر
والمسافه لـو بعيـده مـا أمـل الاختصار
ما تهـم الجاذبية دام أنـا لعينـك أطـيـر
كلهم قالوا غريبة وين عقلك .. كيف طـار ؟
قلت أنا للـي خذانـي و أبتعد عنـي كثيـر
يستشير الكـون لكـن ما يفيـد المستشـار
هو عقب نظرة عيوني .. به عيونٍ يستشير ؟
الرئيسية
البوابة
التسجيل
دخول
