عيونك

عضو لامع تاريخ التسجيل : 20/12/2010

إن كان باقٍ في عيونك سواليف >><< تفضلي هليه مابه كلافه

على بساط العشق بين المواليف>><< يا غاليه هاتيه لأدنى مسافه

غيمة حنان وساقها الله على الريف >><< والقاع غنا للمطر يوم شافه

كل المراكب لا رست بك على السيف >><< تفضلي في قلب يسكن ضفافه

يا ساكنه فالجوف رغم العواصيف >><< يا شامخه مثل الجبل عن فيافه

لحظة حنانٍ ما تبي منك تسويف >><< بوحي بسدك وإدفني بي رفافه

أنا عشقتك عشق يكرم عن الزيف >><< عشقٍ على وضحا النقا والنظافه

يا ساكنه ما بين حدبٍ معاكيف >><< على غلاك القلب زاد إلتفافه

يا ملونه قلبي على رسمة الطيف >><< بألوان قوسٍ تكتسيها اللطافه

هلي سواليفك ولا به تحاسيف>><< لأن الصراحه من طبوع الولافه

وأنا أعرفيني جيت يمك على الكيف>><< وانسان غيرك كل روحي تعافه

وإلى إلتفت وشفت بعض الملاقيف >><< أيقنت بعض الناس كبره ضعافه

كم حاسدٍ يسعى بكل التصاريف >><< ما أخذه على قلوب المحبين رافه

تسري خيوله كل ليله مزاليف >><< ولا يجني الحساد كود الحسافه

على النميمه كل نومه تناتيف >><< يسهر وهو ما بين سمعه وشافه

تفضلي والقلب في حكمة الضيف >><< قلبٍ يهلي بالغلا لا استضافه

وعيشي بعيده يا الحبيبه عن الزيف >><< بقلبٍ يوثق حبكم بإعترافه

وإن كان رتبتي السوالف بتكييف >><< هلي الكلام ولا تغيب الشفافه

منقول

موضوع: رد: عيونك 5/22/2011, 20:11

كلمات روعة شكرا للمشاركة
ننتظر جديدك استاذ يوسف

موضوع: رد: عيونك 5/22/2011, 21:49

عودا حميد
بارك الله فيك

موضوع: رد: عيونك 5/24/2011, 12:03

مساء الورد...

وأنا أعرفيني جيت يمك على الكيف>><< وانسان غيرك كل روحي تعافه

وإلى إلتفت وشفت بعض الملاقيف >><< أيقنت بعض الناس كبره ضعافه

كم حاسدٍ يسعى بكل التصاريف >><< ما أخذه على قلوب المحبين رافه

تسري خيوله كل ليله مزاليف >><< ولا يجني الحساد كود الحسافه

جميل جدا

تحياتي

» اعرف شخصيتك من لون عيونك!!!
» تعرف على شخصيتك من خلال لون عيونك!!
» كيف تغيّر لون عيونك الى الازرق خلال 20 ثانية فقط