نادمون

موضوع: نادمون 5/27/2011, 13:27

أسرة المنتدى الاعزاء أسعدتم مساءً …
رغم حرصنا الشديد على استقلالية المنتدى و النأي به عن مواضيع السياسة و الطائفية حفاظا على تمساك اسرتنا و إشاعة روح الألفة و الإخوّة و المودة و هي سياسة المنتدى الثابتة … لكن … و لطرافة الموضوع … ارتأيت نشر هذه الأهزوجة الطريفة التي يرددها المتظاهرون كل يوم جمعة في ساحة التحرير / مركز العاصمة الحبيبة بغداد و اترك لكم حرية الرأي …
تحياتي …

نادموووووون

نادمون
يا بَعد هاي العيون
نادمون
***
يوم أسود انتخبنا... نادمون
لا قرينا و لا كتبنا... نادمون
***
و لما صعدَوا للمراقي... نادمون
نسوا عدهم شعب باقي... نادمون
***
و لما صعدوا للرياسه... نادمون
گلنه يمكن عدنه ساسه... نادمون
***
و لما صعدوا للوزاره... نادمون
گلنه راح تصير چَاره... نادمون
***
و لما صعدوا للنيابه... نادمون
گلنه هذا النصر يابه... نادمون
***
و لما صعدوا فوگ فوگ... نادمون
وزعوها نهب , بوگ... نادمون

گالوا انسويها فله... نادمون
تالي زاد الطين بله... نادمون
***
گالوا نحقق عداله... نادمون
تالي كل كشختنه باله ... نادمون
***
گالوا نوزع اراضي... نادمون
طلع كل الحچي فاضي... نادمون
***
گالوا نسوي المجاري... نادمون
تالي ضربونه بواري... نادمون
***
گالوا انبلط الشوارع... نادمون
تالي بس هَـمّ ومواجع... نادمون
***
گالوا نزيد الرواتب... نادمون
والقصد بس للحبايب... نادمون
***
گالوا انشغل الشباب... نادمون
تالي هذا الحلم خاب... نادمون
***
گالوا التموين يكثر... نادمون
تالي صحنا الله وأكبر... نادمون
***
گالوا انتظروا المزيده... نادمون
شو كعدنا عالحديده... نادمون
***
ولما حَصلوا على الدفاتر... نادمون
نسوا عدهم شعب صابر... نادمون
***
و ذاك زيدي أبو ( ثـُله )... نادمون
يا هو يوصله و يگله... نادمون
***
إمشي اطلع بره بره... نادمون
هذي دجلة تبقه حره... نادمون
***
لا محافظ لا أمين... نادمون
عرفوا بشارعنه طين... نادمون
***
لا محافظ لا أمين... نادمون
حسّوا بهذا الأنين... نادمون
***
ليش نبقه نستدين... نادمون
لا حليب و لا طحين... نادمون
***
حصة ماكو شـَكر ماكو... نادمون
ﭼـاي ماكو دهن ماكو... نادمون
***
غاز ماكو نفط ماكو... نادمون
ماي ماكو ضوه ماكو... نادمون
***
شغل ماكو عمل ماكو... نادمون
تالي غير الضيم ماكو... نادمون
***
ودّهم الإرهاب دوم... نادمون
و لا شعبنه يصحه يوم... نادمون
***
من تجينه بعد فرصه... نادمون
هذا اصبعنا نگصه... نادمون
بعد أيــش !!
بعد خراب البصـرة ؟؟؟

موضوع: رد: نادمون 5/27/2011, 14:13

جمعة مباركة
واختيار جميل وان شاء الله تحصل العراق على استقلالها--يكفي ما عانت خلال التاريخ لكم تحياتي

موضوع: رد: نادمون 5/27/2011, 14:54

ساعات حسرة ولحظات ندم
نسال الله ان يفرج عنهم
من هموهم ويبدل ندهم وحسرتهم فرح
وسائر بلاد المسلمين
بارك الله فيك

عضو لامع تاريخ التسجيل : 20/12/2010

احسنت الاختيار اخي علي