خسارة

خسارة

انا من بعد هجرانج.. أبنوي أهجر احساسي
أبطوي صفحةٍ في كتاب عمري.. ما قريتيها


أبخفي طرسي الشاهد على ظلمج وكراسي
أبحرق كل أوراقه.. ويعْلج ما طفيتيهـا



كفا يا بنت من حبٍ حبسلي باقي انفـاسي
قسى واقسى خفوقٍ، خفْقته.. انتي حييتيها



أببعد لو يلوموني في بعدج ربعي ونـــاسي
أببعد .. خطوةٍ سهلة، وصعب انج فرضتيها



وبحسب باقي الأيام من عمري وهوجاسـي
ترى موتي دنا، وانتي خسارة.. ما حسبتيها



خسارة اني كتبت الحب باسمج وانحنى راسي
ونا ما قد حنيت الراس.. إلا للْـمسويها