اموت بحبك

اي نعم ... حبيتـَك انته
و غير شخصك ... ما اريد
اي نعم مو بس احبك ...
انه ميت و الله بيك
اشگد قوي و شخصيتي مثل النجم عالي ...
و ناسي ليل
لكن تريد الصدگ...؟؟
جدا ضعيف ...
من احس روحي بأديك
انت َنقطة ضعف بيه
و من صدگ ... حبيت ضعفي
چي ... لأن ضعفي آني بيك
علمتني بكل سهولة
اصعد اعله السيف رگبة
و أدري كل خطواته موت
ما خفت لا روحي تطلع
خلها تطلع ...
هيه لو طلعت ...
تجيك
درّستني الحب قضية
(علمتني شلون احبك)
و من نجحت بدرسك آني
بعت إيديه ...
حتى بيديه...
اشتريك
و أشتريتك من زماني
و ساوموني اعليك كلهم
و ما قبلت احد يجيك
عمري من شفتك گمر ...
سويته ماي
حتى اگدر بين ايام العمر
لحظة ....
احتويك
مرة اذكر تيّهيتك !!
دوريت بروحي عنك ...
ما لگيتك ؟..
نثريت اجزائي كلها اعله الارض
فتشتهن ... وحدة ...
وحدة ...
ما لگيتك
وتالي من اسألت گلبي أعليك
رد عليّه ...
اشبيك مجنون انت تحچي ...؟؟.!!
هذا هوه اگبال عينك
واگف ... ايعاين عليك
هيچي مجنون آني بيك
حتى شيطان الشعر
في ذهني حاضر ...
فرض حكمه ..
و أصدر بشعري قرار ..
لازم بمحراب عينك
من اريد اكتب قصيدة
اوگف بطولي ...اندعيك
و لذلك ...
قررت راح انسى حبك
و ابدي ...
اموت ...