جنسيتي محبتك

عضو لامع تاريخ التسجيل : 20/12/2010

ما أضنك تبيع و لا أبيعك يوم
اكو واحد يبيع كليبه و يعوفه
يالحسنك عجيب و ما اضن موجود
إذا تطلع نشوف الشمس مكسوفة
و خطية الكمر يبچي و يون تالي الليل
حدر الغيم يختل صابته الخوفة
يالحسنك ينوّر كل ظلام الكون
إذا قرص الشمس مكسوف ذليته
و كمر ليل المحبّة بشوفتك مقهور
إذا حتى الكمر بالليل بچيته
و كلوب الشباب تفرفح امن تفوت
و الشايب بعطرك اضن شليته
و نسوان ألتشوفك منك يغارون
و ألبعده مراهق نظرة أمنيته
و الطفل إلّي يرضع بعده بالكاروك
ضل يمشي وراك و يحچي خليته
و إذا شرطي طلب مني هويتي بيوم
أبرز صورتك تشتعل بيبيته
يفتحلي الطريق بصورتك مبهور
إجلالا يدنك و يذب بيريته
جنسيتي محبتك تدري كلش زين
شنو قيمة ليضيّع يوم جنسيته
حبك غيراني و صرت أموت عليك
شتلت كليبك بنص كلبي و سكيته
و الدم إلّي يسري بجسمي ما أحس بيه
دمك يسري بالشريان حسيته
انت العلمتني العشك و الإحساس
فضلك عالكلب لن يدك خليته
علّمته البراءة و طفل صار وياك
يمشي و ما يريد ايرد على بيته
فرحان و اجالك تدري يوم العيد
رايد بوسه منك هايه عيديته
يا أجمل بشر خالقك رب الكون
يا أطيب كلب بالصدفة لاكيته
يا أوفى البشر يا حلمي يا دنياي
يا أول شخص من كلبي حبيته
دوّرت شكثر ما شفت مثل شفاك
علاج و كل مرض من بستك نسيته
شلت كل المواجع من كلب تعبان
بيدك جرح لبدلّالي داويته
يا اسمي الثلاثي و كمر تالي الليل
رسمك بالكلب و بدمي خطّيته
يا قوس و قزح يا مثل للعشاك
يعشك كلبي حد الشيب وصيته
فرض سادس أشوفك صار تالي الليل
نسيت الخمسة و السادس أنا أديته
صدّكني احبك حد كطع لأنفاس
لأنك انت حلمي إلّي تمنيته
تمنيتك كبل ما أشوفك امن سنين
حبك بالكلب من زغري ربيته
ما أضيعك من ايدي و لا أفرّط بيك
إلا بحالة كلبي يعوف جنسيته
إذا يلفي عليّة بليلة ملك الموت
اعذر كلبي لمن توصل منيته

موضوع: رد: جنسيتي محبتك 9/15/2011, 12:40

كلمات جميلة جدا - شكرا لك
اهلا بك من جديد في رحاب الهندسة