من موسوعة الأمثال الشعبية الحمصية.
*الحلو حلو لو قعد من النوم، والبشع بشع لو غسّل وجهه كل يوم
*الحلو ما بيخبي حالو
*جمال الزين مبسم وعين
*العيون والابتسامة الجميلة هما مكامن الجمال الأساسية المرأة.
*الجرة من دينيها والبنت من عينيها
أماكن الجمال في الجرّة الفخارية والمرأة .
*حلو من حلاوتها ومالح من وحاشتها
*الحلو لا يقدم إلا الحلو والوحش يقدم القباحة.
*ماشيي بالبندر عما تتغندر
للفتاة تمشي بغندرة.
*كل جديد الو بهجة وكل عتيق الو لهفة
*الطول تلتين الحلاوة
*طول متل شجر الحور
*قامة متل قرن البامة
*خدود متل زهر الرمان
*حلوة متل القمر ، متل القمر بين النجوم
*بيضا متل التلج
*طلة بهيّة متل الشمس المستحية
*خدودها متل التفاح وجه أصفر ووجه أحمر
*متل الشامة عالخد
)أحلى مني الله خلقوا، اشطر مني دم الفلقو
يتحدث المثل عن الغيرة وحب الظهور فالشخص يرضى أن يكون الآخر أجمل منه لأن الأمر خلقة من الرب أما الشطارة والفهم صفات مكتسبة بالتعلم.
*زيّن المكنسة بتصير ست الحسن
*كثرة الزينة والتجميل تصنع من القبيحة جميلة وتصبح مثل العروس.
*قالوا: حواجبا وعيونا ، قالت: كلو عالمغتسل ببان
عند غسل ومسح مواد التجميل يظهر الجمال الحقيقي.
*القرد اطلّع بالمراية شاف حالو غزال
قصة مدينة حمص
كتاب التراث الشعبي الحمصي : أ. مصطفى الصوفي
الرئيسية
البوابة
التسجيل
دخول
