[color=red] مختارات من الشعر الشعبي العراقي[/color]
[color=darkblue]عرسيتي وما دريتي شصار بيه ما دريتي
عرسيتي
ليش يا حبيبه بهواي ونار حبي ما دفيتي
يا حسافة انه من حركة اعض شفافي
وانت تحمريتي[/color]
محاوره بين شاب وشابه ازوجت وعافته وكعد يبجي يم الباب بيوم العرس شافته وكالت:-
بسك تون يا هواي شو حالك تغير ... عندي خوات اهواي طب وتخير
جاوبها :-
من راح راس الشليله بعد شللي ابخواتج ... والله لسل الشيب وانطر بناتج
رش الدرب تيــزاب حافي أعتـني لـك
جا شـلي بالرجليـن الما تجي لــــك
لو ترش مو تيــزاب لو تزرع ألغــام
اللحم خلـه إيروح أوصلـــك إعظـام
________________________________________
لاتهتم على الراح وي همك الراح
والعالي مو بالطول بالصبر ينلاح
------------------------------------
سبحان من سواك نص وجك عيون ..
جاهل سبيت الناس لو تكبر شلون ..
------------------------------
يم الحجاب شلون سويلي جارة ..
كلبي يلوج عليج ليل ونهارة ..
من كثر حر الضلع أحترقن هدومي
وتسعين ناقة وجمل ماشالن همومي
شحجي شقول للناس من همي شحجي
مليان بالحسرات بس احجي ابجــي-
------
اظن جرحي يطيب جرحي بلية ..
حتى الطبيب يكول شنهو القضية ..
ودوني للدكتور شاورني بسكوت ..
لو ولفك يداويك لو باجر تموت
الرئيسية
البوابة
التسجيل
دخول
