اهداب السحاب

تجين نشاور أهداب السحاب اللي جلس يرتاح
وش أحلا لون قرص الشمس وإلا لون وجناتك ..؟!

تجين نعلّم التوت المشي و نزخرف التفاح
و نشرح بالكرز و الثلج كيف تسيل ضحكاتك ..؟!

تجين نجدّل خيوط الشعاع و نكسر المصباح
و نشعل في حنايا العمر نور زهور خطواتك ..!

تجين نقفـّل أبواب الفراق و نرمي المفتاح ..!
بعد ما نسترد اللي من أحلام الوصل فاتك

تجين نحارب الدنيا و من فيها بدون سلاح .. !!
أنا بالحب و إنتي بالجمال و سحر نظراتك

تجين بفالنا الطيب نقوّم حظنا لو طاح
و نربط في جناحين الأمل شرطان هقواتك

تجين نغمض عيون القلوب و نتبع الأرواح
و أراهن شمسكي أني لأزور أبعـد مداراتك

تجين نصارح القمرى بنور ظلالك الوضاح .. !!
ونكشف للسحاب ان البروق .. اسباب لفتاتك .. !!

تجين نسابق أنـوار الفنار لنظرة الملاح
و نكتب للسفر ما فيك لذه غـير آهاتك

تجين أبدل بعمري عمرك اللي راح
و أكون أول حبيب ٍ في نهاياته بداياتك

تجين نعد كم نجم ٍ تعثر في سناك وطاح
و كم بدر ٍ تمنى لو قباله مثل تقفاتك

و تجين نشاور أهداب السحاب اللي عجز يرتاح
ظنه الصبح نور الشمس وهو انوار وجناتك