عشك اخضر

مشرف تاريخ التسجيل : 12/04/2010

[size=24]

عشـــــــــق أخضـــــر

اياد البلداوي

عشكك عشك اخضر يزهو بعيونك حبيبي
ساعة ما الكلب حسك صرت جرحي وطبيبي

إنته شمائل فرح
تزهو بوسط وجهك حبيبي
إنته بسمة عشك
حاملها بشفافك ورد طيبي

شلون أكدراوصفك
وانت كلك حسن محبوبي
كالوا غزال يتهادى بمشيته
كلتلهم حبيبي
كالوا كمر وكت البدر نور عالبشر
هوحبيبي
يوم كالوا حبيبك وصل
كلت اهديه العيون
وركضت أسابك رجولي
والعالم يشوفون
بيتك احضاني حبيبي
وروحي مهما يكولون
آه
حسره بكلبك سمعتها
والعالم مـا يسمعون

صرخت
سلامتك من الآه حبيبي
ومن العيون
أحبك وأخاف عليك
مثل الماي بوسط العيون
أخاف أغلق جفوني
لا تجرحك وانت الحنون
أخاف وخزت رمش تأذيك
وأنته بكلبي مدفون
أخاف عليك وين أضمك
بالكلب
بالروح
لو بالعيون
اخاف عليك من العواذل
ترميك بسهم العيون
وأرجع أسأل
وين أضمك
يا أبو كلب الحنون

كلمة أحبك ما تكفي
لا
ولا حتى الهيام
حبك
انا حملته بين الضلوع
على مر الايام
جنت بعيوني اشوفك
وانت مثل طير الحمام
ترفرف جناحك فرح
وصوتك
يغرد حب وغرام
جنت اعرفك
يا ما كلبي
كلمني عنك طول الاعوام
عمري ما نسيتك
ولا سليتك
حبك صـــــار الهام
أنت توأم روحي
انت نورعيوني
يضوي بالظلام

صحيت
وصرخت
بكل حرقه
حبيبي انت وين
صرت اتلفت
يمين
وشمال
معقوله انا ضنين
صورتك
همستك
بسمتك جلمتك كلها حنين
انا متأكده من وجودك
جوه الروح والعين
انا وياك وين ما رحت
بالسما لو بالارضين
وأرجع أصرخ بأعلى صوتي
وأكول انت وين

[/size]

موضوع: رد: عشك اخضر 11/29/2010, 11:43

كلمات اكثر من روعة وبوح جميل جدا

موضوع: رد: عشك اخضر 11/29/2010, 14:27

مسائك سعيد

طرح جميل اخ الكريم ولحن مفرد

في الحروف

اسعد الله قلبك

هكذا الدنيا تسير

موضوع: رد: عشك اخضر 11/29/2010, 17:22

بوح حروفك أسعدني

مودتي

عضو تاريخ التسجيل : 10/11/2010

تجد السير في شعرك
يسوقه موج البحر
كاسهام تلوح في الليل
تدخل القلب فى حذر
احسنت القول استاذ اياد

موضوع: رد: عشك اخضر 12/2/2010, 13:20

كلمات جميلة مع انو صعبة اللهجة العامية فهمها شكرا للطرح الجميل

» مجلة الهندسة والفنون العدد 39 عامة المشاركة للجميع
» “بيتي اخضر”
» فكرة بناء جدار اخضر