اجمل الاشعار الشعبية العراقية

عضو لامع تاريخ التسجيل : 20/12/2010

اجمل الاشعار الشعبية العراقية
:ღღღღღღღ

وحق الي ماوصل واحد مكانه
تدري شكد الك عندي مكانه
شلت كلبي وصرت انته مكانه
ونبض البيك أهو الشريان بيه

يبعدني الوكت عنك وأردلك
وأحب يوصلني مرسالك وأرد لك
باقي الروح أقدمها ورد لك
وأقدم عمري للغالي هديه

تموت الروح سكته وكلت عدله
وكلامك لو حجيت وياي عدله
يسويها النصيب وتجي عدله
واحضنك ياحلو بثنين اديه

ღღღღღღღ

خل راسي اعله صدرك ضمني الك مشتاك

اذتني الليالي وحشه مندونك

يا ريحة مسج يمعطر الايام

اشوف الدنيه حلوه بنضرة ايعونك

احب لون الورد ونظر اله من اشتاك

لان لون الورد ماخوذ من لونك

تعبني الصبر شنهو الجره يهواي

تدلل عليه وانه مجنونك
غزاني الشيب يسمر من دلالك
انا معرفت زعلك من دلالك
تتوه شبيك خايب من ادلك
وتستكثر عليه جلمت اشلونك
عاشرت العواذل بالزعل وياي
وعلى هجرك الي صارو ينصحونك
مو حبا الك صدكني لا يهواي
بس كرها الي رادو يبعدون
بس كرها الي رادو يبعدونك

ღღღღღღღ

لأن بستك حبيبي تزاعلت وياي
اسف موكتلك ما اكررهه

لو ادريك تزعل ماابوس شفاك
احسبهه على هالمرة عبرهه

معذور انه صدك لن جنت عطشان
وامطارك حلم بالكو تقطرهه

شفت كبالي زمزم وارتايت ارتاح
ومنهه انه شربت لحظات اذكرهه

حسيت الكسوف بكلبي صار بساع
وبعيني الشمس مكسور خاطرهه

وبضهري احس ذنوب ماتنشال
هاي ذنوب يمك بلكي تغفرهه

احس انه احس اعيوني بس كلمات
تكتبلك شعر هو انت شاعرهه

احس ضلوعي صارت بيه جن سيوف
هاك ضلوعي كلهه كبالي كسرهه

بيدك انت روحي وانه اريد الروح
خلي ايدك بدييه وروحي فجرهه

هيه اصلا الك اخذهه يمك دوم
سامحني والك هالروح انذرهه

غيبوبه وخذت مني الوعي بلحظات
وبوسة تحولت غيبوبتي اعذرهه

شمرتني اعله شفتك ميت بلاروح
غيبوبه وصغيره شبيك دعذرهه

اخذ مني التريده واعتذرلك جاي
هاي جروحي يله بملحك احفرهه

هاي عيوني يمك واني كلي اهنااا
وانذار اصفر انطي الروح انذرهه
ღღღღღღღ

من أنـــه أشوفك مـدري شــنهي يصير
أحــــس روحي تريد تصير مرجـــوحة

لان حبـــك صفى يتلاطـــم أعلى الروح
ومـــن كد الجروح جـــروحي مجروحة

ولان كًلــبي نذرته لأجــلـــك من أسنين
أجيـــت ورحـت أنتــه وماخـــلص نوحة

وافـــرح من أشـــوفك وأنطــر لملـــكاك
وأشـــوف رموش جــنها جبـال مرفوعة

تعـــال وشـــوف بعـــدك بيـه أنــه شصار
مثـــل حــال اليتيـــم الشـــايـــغ بروحـــة

تعال وشــوف كًلــبي شكـــثر بيه أجروح
وجروحــة أصبــحت للــناس مـفــضوحة

خاصمت الضحك شـضحك وأنه المجروح
واذ يوم أضـــحكت ذيــجــة تبان مذبوحة

وقابـــل ياحبــيبي أعلى الجــرالي وياك
بــس أعلـى البعــد ماكــول مــسموحــة
ღღღღღღღ

عضوماسي تاريخ التسجيل : 30/08/2010

كلمات جميلة اخي بارك الله بك

اختيار جميل جدا اخ يوسف شكرا لك

جمعة مباركة اخي الكريم

طرح جميل عذب بشجن تدوي جراحه لترتوي اشواقه من دماء صرخت ليالي البعد

هكذا الدنيا تسير

عضو لامع تاريخ التسجيل : 20/12/2010

شكرا للجميع من مر على صفحتي وترك بصمتة

» اجمل الاشعار الشعبية
» عبثا ما اكتب من الاشعار سيدتـــــــــــــى
» اروع الاشعار في الام
» الدولمة العراقية
» اللهجة العراقية