وحدة جمالية من لمبة محروقة ...
اصنع بنفسك .. لو عندك لمبة محروقة وخلاص هترميها .. استنى ماترميهاش .. أيون إوعي ترميها .. هنحتاجها ومعاها شوية حاجات كمان
أولا هنجيب اللمبة المحروقة بتاعتنا 
ثاني حاجة هنجيب بنسة (زرادية) أكيد موجودة عندنا كلنا
تالت حاجة هنجيب شوية رمل وممكن معاها نجيلة أو شوية زرع صغيرين
وممكن إضافة لعبة أطفال صغيرة بلاستيك أولا حسب الرغبة
والصور اللي جاية بتوضح الخطوات .. يالا جهز المطلوب وإبدأ معايا و اصنع بنفسك
الخطوة الأولى – اصنع بنفسك – : إنزع طرف اللمبة المعدني باستخدام البنسة زي ماموضح في الصورة الخطوة الثانية - اصنع بنفسك - : اجذب الجزء اللي قمت بفصله لتفصله عن اللمبة
الخطوة الثالثة - اصنع بنفسك - : اجعل اللمبة مجوفة من الطرف المعدني كما بالصورة الموضحة
الخطوة الرابعة - اصنع بنفسك - : قم بتثبيت اللمبة على مساند يمكن الحصول عليها من خلال مسدس الشمع أو بتركيب مجموعة قطع بلاستيكية بيمكن اعتبارها كأرجل للوحدة الجمالية
الخطوة الخامسة - اصنع بنفسك - : باستخدام ورقة مقواة مطوية ندخل شوية رمل صغيرة للمبة من خلال التجويف اللي فتحناه بالبنسة
الخطوة السادسة - اصنع بنفسك - : قم بوضع النجيلة بداخل اللمبة فوق الرمل
الخطوة السابعة - اصنع بنفسك - : قم بوضع اللعبة البلاستيكية إن وجدت .. هتلاقي وحدة جمالية شكلها تحفة فعلا ..
الوحدة دي ممكن تحطها في مكتبتك بين الكتب هتديك شكل جمالي رائع .. أو على مكتبك .. أو في مكتبة التليفزيون .. وممكن تعمل منها كذا وحدة تستخدمهم جنب بعض في تكوين مكمل لبعضه
يارب الموضوع يعجبكم وتقدروا تنفذوه كويس ... 
أفكار أخرى جميلة 
الرئيسية
البوابة
التسجيل
دخول
