هذه القصيدة النبطية اعجبتني جدا فوددت ان تشاركوني بها ...
تحياتي ...
والله إنـّي مفارق ٍ شعر الغزل
بس من شِفتِكْ وأنا ابّحره غريق
كاملة الأوصاف و الحسن اكتمل
كملـِكْ ربي و خصِك بالخليق
من كحل عينك عـُيُوني تكتحل
وان تناظر بي يجي بعيني بريق
القمر ان شاهدك غاب و أفل
يستحي في محجر عيونك يويق
صوّرك ربي سبحانه و جل
تاج زين الكون بك وحدك يليق
القصايد كلها لك والجمل
تستحق الشعر دامك تستذيق
يوصلك شعري وأنا ما بعد أصل
كل ما أقدم دروبك لي تضيق
ارتويت الشعر فيني للثمل
و صرت أهوجس في قصيدي و أستريق
ليتني يازين في عمر الجهل
و ليت ربي ماجعلني لك عشيق
قبل أعرفك كنت مو هاوي غزل
ومن عرفتك شب في قلبي حريق
الرئيسية
البوابة
التسجيل
دخول
