اخبي الشعر عن عينه اخاف انه يجي يقراه
اخاف اكدر احساسه بحزن يكسي احساسي
دفنت الحزن في قبر الضلوع اللي بكت فرقاه
و اجر الآه بحروفٍ بكت في صدر كراسي
دموع الشعر .. حرمان المعاني .. همهمات .. و آه
جمر هجر ٍ .. و دموع فراق في حبري و قرطاسي
انا بعت الخلايق كلها و الناس لجل رضاه
لأنه كان لي ربعي و اهلي و ديرتي و ناسي
احبه و الله الشاهد و هذ البعد ما اقواه
اكابر و اتظاهر بالصبر لين انكسر باسي
انا من لي بعد عينه ؟ انا ما ابغي سوى دنياه
ابيه بسيف وصله يطعن همومي و هو جاسي
بكى في داخلي طفل ٍ بحبه و الوفا رباه
انا و هذا الطفل عقبه يتامى و اليتـم قاسي
نسى قلبٍ جعلته خاتم ٍ في خنصره خلاه
نسى حبي ؟ نسى قربي ؟ نسى اللهفه بانفاسي
نسى ذيك العيون اللي تموت بطلعة محياه
نسى دافي عتابي و غرام ٍ شامخ راسي
يقول القلب : لا تنساه .. و اقول : شلون بس انساه
انا و شلون ابنسى من غرامه تاج ٍ لـراسي .. ؟
هذاك اللي انا و انت يقلبي لي آمــر طعناه ..
هذاك اللي بنظره من عيونه يورق يباســي ..
هذاك اللي تفز الرووح ولهانه على طرياه
هذاك اللي بغيابه عن عيوني ابعد نعاسي
يا ليته يرجع و يرحم خفووقٍ ذاب من فرقاه
يا ليته يرجع لقلبــي و يحيي موووت احساسي
الرئيسية
البوابة
التسجيل
دخول
