قصه حقيقيه على احد شواطئ الخليج..ادمعت لها عيناي
فيه اثنين شباب راحوا البحر جلسو على الشاطئ ومعاهم عشاهم.
وهم جالسين يتعشون اجتهم عجوز كبيره في السن
وقعدت تلقط الأكل المنثور على الأرض وتأكل.
ولما شافوها قالولها أنتي جوعانة قالت أنا هنا من الصبح
وماأكلت شئ جابني ولدي من الصبح وراح وخلاني
وقالي راح أجي آخذك بعد شوي
..المهم جابوا لها عشاء وتعشت
.. وبعد ما تأخر الوقت شالوا أغراضهم وحسوا الشباب إن الوقت متأخر
والجو بدا يبرد وما بصير يتركون العجوز على الشاطئ لحالها في الليل
واجى واحد من الشباب وقال لها عندك رقم ولدك نتصل عليه نخليه يجي آخذك .
قالت العجوز إيه معي الرقم في ورقه
.. ولما طلعت الورقه
.. ايش تتوقعوا مكتوب فيها ؟؟؟؟؟
مكتوب
( من يجد هذه المرأه يآخذها لدار العجزه)
انصعقوا الشباب من المكتوب في الورقة
وضلووا ساعة يترجون العجوز تمشي معاهم.
ويحاولون فيها إنهم يوصلوها أي مكان هي تريده .
أكيد العجوز رفضت أنها تروح معاهم
لأن ولدها وعدها إنه يجي يأخذها وبدها تستناه لما يجي.
وكانت تقول ابني حبيبي راح يجي يآخذني وأنا راح استناه .
> >ماتدري المسكينه إن ولدها تنكر لها ورماها
في الوقت الي هي فيه محتاجه له
..المهم راحوا الشباب عنها وتركوها على أمل إن ولدها
راح يجي يآخذها حسب وعده لها.
لما روحو البيت
في واحد من الشباب قعد يتقلب في الفراش
وما عرف ينام يفكر شو صار في العجوز المسكينه
وقام من فراشه وغير ملابسه وركب سيارته وراح للشاطئ.
ولما وصل.
شاف الاسعاف والشرطة والناس مجتمعين ودخل بينهم
شاف العجوز قد فارقت الحياه ولما سألهم عن سبب وفاه العجوز
قالو له أرتفع معها الضغط وماتت.
ماتت من خوفها على ولدها يمكن يكون صار له شئ؟؟؟
ماتت وهي تستنا ولدها يجي يآخذها.؟؟؟
ماتت وهي حزينه من القهر عإبنها
الله يرحمها برحمته ويدخلها من أوسع ابواب جنته.
أدعوا معي آمين.
أرجو من كل من يقرأ هذه القصه أن ينشرها
الرئيسية
البوابة
التسجيل
دخول
