جتني عجوزا بعد العشا بشوي
قالت مرحبا وش فيك مهموم
قلت خليني بهمي ولا تسألي شي
كفاية اعيش العمر بعدها مهموم
قالت الله يصبرك بس اصبر شوي
عندي مزونة مثل البدر بالضي
قلت حرام أرجوك خليني بهمي
قالت وش فيك أصبر علي شوي
قلت وش عندك يا عجوز احكي
ما ظل عندي صبر خلني بهمي
قالت صبية بالعشرين مزونة
مثل نور البدر بنص الشهر ضي
طويلة مثل عود ريحان طري
مثل حورية عند نبع المي
دغدغت قلبي والروح سايرتها
نسيت همي والشيطان داعبني
صرخت من لهفتي وينها
وين الصبية يا عجوز أريدها
قالت الله يصبرك اصبر شوي
قلت وش في يا عجوز احكي
قالت الصبية مسحورة بشي
قلت وش لي فيها يا عجوز الغي
قالت اريد لك الخير شوي شوي
وين الخير مني شايفه بشي
بنية مزونة ومسحورة بشي
وين اطببها وانا أريد دوا لي
الله يسامحك يا عجوز الغي
الله يصبرني ويعوض علي
قالت أهدى واعود بعد شوي
بقيت ناطرها طول الليل
وجعت قلبي والروح صابها شي
وشقق الصبح وما جتني
هي حقيقة ولا انا اهذي بشي
من كثر همي صابني وسواس
أستغفرك ربي وأتوب اليك



سعيد ن. مطر