طبخة الكرشات ..

موضوعي اليوم بتمنى انه يعجبكم ان شالله
وهو طبخة الكرشات مع الفتة وانا طبعا بحبها كثير وبالنسبة عندي وعندي أهلي مناسبة رائعة ...... واللي ما بحبها يشكر الله فقط دون تعليق مسيء لأنه نعمة الله والناس أذواق


والمكونات هي :
كرشات خروف العدد حسب الرغبة
أرز من الحبة القصيرة إلي يستخدم بالمحاشي (ويقولولو أرز مصري)
ضمة بقدونس
حبة جوزة الطيب مطحونة كويس
ملعقتين صغار بهار مشكل
ملعقة زيت زيتون
ملح حسب الرغبة
حبتين بصل كبار
حبة فلفل اخضر حار
6 اسنان ثوم
عصير 3حبات ليمون

الطريقة
ننظف كرشات الخروف تنطيف جيد جيد جيد جيد
بعدين ننقعها 10 دقائق بملح وليمون
بعدين نغسلها من الملح والليمون





ونبدا بتحضير الحشوة :
ننقع الارز بماء فاتر لمدة ربع ساعة
وبعدين بنصفيه من الماي ونضيف له المقادير الباقية كلها:
البقدونس نفرمه ناعم ,البهار ,جوزة الطيب ,الزيت والملح





ونبدأ الحشي بعد تقطيع الكرشة قطع حسب الرغبة ونخيطها بالإبرة والخيط
أما الأمعاء أو المصارين او الممبار على رأي المصريين نحشيها بواسطة مفحرة الكوسا
ونغسلها مرة ثانية بعد الحشي





وبعدين نحطها كلها بقدر كبيرة على النار مع الماي طبعا وبعد ما تغلى وتخرج الزفرة على وجه الطنجرة
بنشيلها وبنفرم البصل ناعم وبنضيفه عليها مع شوية ملح وبهار وزيت زيتون
ولما تستوي الطبخة بعد ساعة ونص تقريبا بنشيلها عن الغاز وبنطلع الكرش من المرق وبنقليها بالزيت النباتي أو تحمير بالفرن حسب الرغبة





تحضير الفتة :
نقطع الخبز قطع صغيرة ونصب عليها مرق الكرشات
ونحضر لها دقة عبارة عن ثوم وفلفل مدقوق وعصير ليمون
ونضع عليها الدقة ويكون التقديم حسب الرغبة





صحتين والف عافية على قلبكم