لا تشّكي إن جموحي بغير عطركِ يستجار
و لا تفكرين اني يوم ٍ من جنونِك استجير
استشيري نبض قلبـِك دامِك انتي المستشار
لا تظنين بفؤادي غير عشقِك يستشير
لا تحسبيني اراوغ او اب ِ ارفض اي قرار
لو خبالِك فيه اسمي خل يصير اللي يصير
كل ِ لون ٍ تلبسينه ما يغير هالحوار
والبشر فيهم تفاهه وفيهم الحي الضِمير
مالها عيونِك يــ ( دانة ) طالعتني باحتقار ؟؟؟
اعشقِك يا اغلى حقيرة دام انا بعينِك حقير
خل تطول الدرب فيني خل يطول الانتظار
دامِك انتي في عيوني وردة الجوري النضير
ويش ذنبي فهالتحدي ويش ذا لعب الصغار
انا ابغي ان اشوفِك شيْ اكبر من كبير
اشهر سلاحي لعيونِك وارفعِك فوق الكبار
كل ِ ( ارعن ) في مسارِك ارغمه يبقى صغير
تعرفين اني مجالد ( .. لكن .. ) ويح هذا الانكسار
ويش يغنيني شموخ ٍ داخله روح ٍ اسير
لا تظنين الحنايا بغير وهجِك تستثار
اعشِقك يا احلى اميرة دام انا عندِك اسير
القصيد اللي امامك امتحان ٍ واختبار
دققي بكل المعاني وحددي وجه المسير
هوْ كلامي ؟؟؟ او ... لغيري ؟؟؟ فكري واعطي اعتبار
رغم انِك في ( ذكائِك ) نادرة ما لِك نظير
الرئيسية
البوابة
التسجيل
دخول
