اعداد السوفلي

موضوع: اعداد السوفلي 1/29/2011, 14:26

سوفلي

للعجين

كيلو فرينة
250غ مارغرين طرية
2 مغارف أكل خميرة
2 مغارف سكر
بيضة
ملح 20غ أو مغرفة أكل ممسوحة ( cuillère à soupe rase)
ماء دافيء

الحشو
- صلصة الطماطم
رطل طمام ، بصلة، راس ثوم،القليل من الزيت، الملح، فلفل أكحل، كمون، فلفل عكري، ورقة الرند و اغصان من الزعيترة
نحطوهم
على النار دون إضافة الماء و لما يطيب كل شي ننزع ورقة الرند و أغصان
الزعيترة و نمرر الخليط الباقي في الطاحونة اليدوية أو نستعمل الميكسور ثم
نضيف ملعقة كبيرة طماطم مصبرة و نعيد الخليط على النار لمدة قصيرة

-
لحم مرحي حوالي 300 غ نحطوه في مقلاة على النار و نضيف له بصلة مسكرفجة و
القليل من الملح و الفلفل الأسود و قطرة من عصير الليمون مع التحريك
المستمر حتى يجف منه كل الماء اللي فيه

-زيتون منزوع النواة نغسلوه و نقطعوه

-الجبن المبشور

كما يمكن إضافة أي شيء آخر نحبوه

التحضير

العجينة

نخلط
الفرينة و الملح و السكر و الخميرة و نضيف الزبدة الطرية و نحكها مليح بين
يدينا حتى تدخل في الفرين ثم نضيف البيضة و من بعد الماء الدافيء الضروري
حتى نتحصل على عجينة
نعجنها قليلا ثم نبداو نخبطوها( كيما نعملوا مع عجينة الخفاف ) لمدة 15 د تقريبا
هنا نعملوا تجربة و نشوفوا العجينة نتاعنا إلا شبعت مخبط
نقسم العجينة بواسطة سكين و لازم تكون من الداخل كلها ثقوب (كـ جبن القرويار )

من بعد نعاود نلمها ، نغطيها و نخليها تخمر في مكان دافيء،حوالي 20إللى نصف ساعة

بعد التخمير نقسموها إلى كريات في حوالي 60غ
و فوق سطح مرشوش بالفرينة نحلها بالحلال
و نحط في وسطها الحشو المكون من
القليل ومن صلصة الطماطم
نرشوا فوقها اللحم المرحي
ثم الزيتون المقطع و في الخير رشة جبن مبشور
و ندهن الجوانب بالقليل من البيض

اعداد السوفلي Download

ندهن السوفلي بالبيض و نزين بحبة زيتون كما ممكن إضافة الجلجلان أو السانوج
و نوضعوهم في صحن الفرن مدهون و مرشوش بالفرينة
ثم تطهى في فرن درجة حرارة 200 درجة مئوية لمدة 25 دقيقة

اعداد السوفلي Download

اعداد السوفلي 167265_150573041663795_128703947184038_257715_6413980_n

و شهية طيبة

موضوع: رد: اعداد السوفلي 1/29/2011, 21:35

تبدو شهية جدا رشا شكرا لك

موضوع: رد: اعداد السوفلي 1/29/2011, 22:07

مساء الخير

شكرا طرح جميل

هكذا الدنيا تسير

» طريقة اعداد ميلك شيك المالتيزرز
» طريقة اعداد طبق سلطة السبانخ مع اللوبيا